Douglas book > Charters

1565.] THE DOUGLAS CHARTERS. 257
haif for reductioun of ony infeftmentis maid to the said vmquhile James
Douglas, and of the retouris, seasingis, and confirmationis past and to be past
thairupoun to the said Archibald Erie of Anguis and the airis maill contenit
thairin, in favouris of the said Archibald now Erie of Anguis and the airis maill
foirsaidis : and alsua the said Ladie Margaret, with expres consent and assent of
hir said spous and sone, will and grantis, for hir and hir airis, that the said
Archibald, now Erie of Anguis, and the airis maill foirsaidis vse and caus
lauchfull redemptioun be maid in fauouris of him and thame of quhatsumeuir
of the foirsaidis landis, lordschippis, baronyis, annuelrentis, milnis, fischeingis,
or ony vtheris, be vertew of all and quhatsumeuir reuersionis maid and
grantit to the said vmquhile Archibald Erie of Angus, or ony vtheris his or hir
predecessouris thairupoun for recouering of the samyn to his awin leving ;
and in sa fer as sche hes or may haue ony richt, titill, or clame to the saidis
reuersionis as air or apperand air to hir said vmquhile fader, or ony vtheris his
or hir predecessouris, sail transfer, assignne, and dispone, like as sche be thir
presentis for hir selfe and hir airis transferris, assignis, and disponis the samyn to
the said Archibald, now Erie of Angus and the airis maill foirsaidis ; with power
to him and thame to do all thingis neidfull for redemptioun of the saidis landis,
lordschippis, baronyis, annualrentis, milnis, fischeingis, or ony part thairof, for
recouering of the samyn to him and the airis maill foirsaidis, and in ony sort, gif
neid beis, makis, constitutis, and ordanis the said Erie of Anguis and the airis
maill foirsaidis hir irreuocable procuratouris in rem suam to the effect foirsaid ;
and sail assist with the said Erie of Anguis and the airis maill foirsaidis and tak
plane part with thame in jugement and outwith in brouking and iosing of the
foirsaidis erldome, landis, lordschippis, baronyis, regaliteis, annuelrentis, milnis,
fischeingis, or ony vtheris rowmes of the said leving, and in recouering of the
samyn or ony part thairof being redemable, or ony vtherwys quhatsumeuir, to be
heretablie broukit and iosit be the said Archibald Erie of Angus and the airis
maill foirsaidis in all tyme cuming : And attour, sail laubour, procure, and sollist
at the Quenis Maiesteis handes for new infeftment to the said Archibald Erie of
Anguis and his airis maill lauchfullie to be gottin of his body ; quhilkis failzeing,
to sic his airis maill of the suirname of Douglas as sail best jJeis the Quenis
Maiestie to nominat thairin : Mairattour, to the end that the premisses may tak
full vigour and effect, the said Lady Margaret sail procuir hirself be seruit and
retourit lauchfull air of lyne to the said vmquhile George Maister of Angus,
hir guidsire foirsaid, be brevis of our souerane ladeis chapell, be the concurrence,
■2 K