Ossian Collection > Folk tales and fairy lore in Gaelic and English

[DOMHNULL MOR OG AGUS GLAISTIG NA
BUIDHEINNICH.]
Tha an sgeul a leanas air innseadh an so a chionn gu'm
bheil e, mar tha an dara sgeul, a' nochdadh gur trend
fhiadh a bha ann an trend na Glaistige.
Bha Domhnull Mòr Og Camaron a chòmhnuidh am
Bràigh Lochabar ann an ceud leth an linn a chaidh
seachad. Bha e 'na dhuine comharraichte air iomadh
dòigh. Anns a' cheud àite bha an da shealladh aige.
Mar dh' eirich do'n Phortair Cham, chunnaic e roimh
làimh cuin agus c'àite an robh Cailein Caimbeul Ghlinn
lubhair gu bhi air a mharbhadh ; agus a rèir beul-
aithris, bha e cho cinnteach gu'n tachradh gach ni mar
chunnaic e, is gu'n d' thàinig e a h-uile ceum o'n
Bhràigh gu coille Odhanaich far an d' fheith e gus
an cuala e fuaim na h-urchair a loisgeadh air taobh eile
a' chaolais le Ailein Breac.
Bha Domhnull mar an ceudna ainmeil mar shealgair
fhiadh. Cha robh a leithid r'a fhaotainn an Lochabar r'a
linn, agus is coltach gu'n robh an dara sealladh feumail
dha mar shealgair. Air la àraidh, am feadh a bha e
a' sealltainn suas o iochdar a' Ghlinne ri mullach na
Buidheinnich, thubhairt e ri coimhearsnach, a bha 'na
sheasamh làimh ris: "Is mise a tha a' faicinn an
t-seallaidh ! Cuir thusa do chas air mo chois-sa, agus
chi thu e cuideachd." Rinn a choimhearsnach mar dh'