Hew Morrison Collection > Eileanach

240 AN T-EILEANACH.
Thug Druim a' Challtuinn naoi bliadhna fo riagh-
ladh Phàruig fhad-chasaich, agus chual daoine gun robh
an oighreachd ri reic, agus an ath naigheachd a chuala
iad is e gu 'n robh i air a ceannach aig Pàruig
fad-chasach fhèin, agus anns an t-suidheachadh sin
fàgaidh mi e a chionn nach urrainn mi an còrr a
dheanamh. Ach thachair bho cheann mu thuairmeas
fichead bliadhna, no mar sin, gun robh air achadh a
bhuineadh do bhodach an Tigh-bhain, mar a theirte ris,
àireamh do luchd-obair, seann daoine agus seana
mhnathan, caileagan oga agus sgonn-bhalaich agus iad
ri gart-ghlanadh a' bhuntàta, agus co chunnacas a'
tighinn a nail bhar na h-aimhne ach am Buachaille
Robach, agus dranndan òrain aige ris fhèin. Bha am
Buachaille Robach na bhuachaille aig an tuath air
taobh eile na h-aimhne. Bha deich-tastain-fhichead,
anns an leth-bhliadhna do thuarasdal aige agus paidhir
bhrog. Bhitheadh e seachduinn ma seach 's a h-uile
tigh a bha 's a' bhaile, ach an dithis. B' iad sin tigh
Chailein Ghallda agus tigh Anna Bhig. Ach do aon
do na tighean so cha rachadh e ged dh' fheumadh e
bhi tighinn beo air na braonain. Ach co dhuibh, cha
ruigeadh e leas sin a dheanamh; bha gu leoir do
thighean 's a' bhaile anns nach bu bheag orra idir a
chnideachd. 'S e baoghal ait a bh' ann 's a' Bhuachaille
Pv,obach. Theireadh cuid gu robh spiorad na bàrdachd
ann. Ach 's e theireadh Cailein Gallda agus Anna
Bheag, gu'n robh droch-spiorad ann. B'i Anna Bheag
bean Lachuin òig, duine coir, socrach, gun chron d' a
choimhearsnach, ged a bha Anna fèin olc, ùpraideach,
usaideach. Theireadh iad gur-ann oirre fein a blia