Hew Morrison Collection > Fear-ciuil

74 AM FEAR-CIUIL,
AN RIGHINN OG D' AN D' THUG MI GRADH.
FoNN — " The minsirel boy to the war is gone."
An rìghinn òg d' an d' thug mi gràdh,
A nis air fàs dhiom suarach ;
'S e sin a thà, an diugh, 'gam chràdh,
'S a dh' f hàg cho bàn mo ghruaidhean :
Ged thug thu rium do chùl an dràst,
'S a dh' fhàg thu mi fo smuairean ;
Tha t' ìomhaigh ghaoil ri m' thaobh a ghnàth,
'S do chòmhradh tlàth am chluasan.
'Nuair bha sinn òg, gun fheall, gun ghò,
'S sinn còmhla feadh nan cluanag ;
Ag èisdeachd eòin na coiU' ri ceòl,
'S an t-allt ri crònan suaineach :
Mar oiteag chèit am measg nan geug,
Gun fhios daibh fein 'gan luasgadh,
Thug sinne spèis do chàch a chèil',
Gun suim ciod è a ghluais sinn.
Tha 'n t-allt mar bhà, a' ruith gu tràigh,
'S na flùir a' fàs m' a bhruachan ;
Is eòin nan speur am bàrr nan geug,
A' seinn gu h-eutrom guanach ;
Ach dhomhsa cha 'n 'eil ni mar bhà,
Tha 'n latha 's àille gruamach ;
Tha maise 'n t-slèibh is glòir nan speur,
'S gach ni fo 'n ghrèin leam suarach.