Matheson Collection > Folk tales and fairy lore in Gaelic and English

2/6 FOLK TALES AND FAIRY LORE.
sgeadaichte an aodach uaine, agus a thug bàrr air na
chunnaic i riamh ann am maise. Chuir iad uile fàilte
oirre, agus thug aon aca stigh i do sheòmar na
Ban-righ.
Rinn a' Bhan-righ gairdeachas rithe, agus thubhairt
i gu'n robh earbsa aice innte, o'n la a ghabh i truas
dilh air an achadh bhuana. Dh' fhuirich bean an
tuathanaich greis 'san t-Sithean. Air la àraidh, an uair
a bha i leatha fèin, ghabh i an siabunn geal, agus
shuaith i e os ceann a sùla, agus an sin ghrad
dh'atharraicheadh gach ni m'a timchioll. Thionndadh
an t-aite brèagh 'na tholl ruadh gainmhich, agus na
daoine mora eireachdail a bha ann, 'nan seann
chreutairean beaga, duaichnidh. Cha do ghabh i oirre
ciod a rinn no chunnaic i, ach o sin bu latha gach
mionaid leatha gus an d' fhuair i as. Mu dheireadh
thàinig an gille an cabhaig, agus ghlaodh e rithe a bhi
deas falbh leis-san, a chionn gu'n d' thàinig an t-àm
anns am feumadh esan a ghealladh a choimhlionadh d'a
fear.
Cho luath is a chuala na sithichean so, chruinnich
iad mu'n cuairt oirre, agus thairg gach aon aca dhi
ni-eigin mar ghean-math. Ghabh i gach ni a fhuair i,
ach airgiod agus or, mar dh' iarradh oirre; agus chaidh
i mach. An sin dh' fhalbh i 'na suidhe air cùl a' ghille
air an steud ghlas. Ach ghabh an gille rathad iir a
thug iad troimh phreasan dhreas agus dhroighinn.
Cho luath is a ràinig iad a' cheud phreas, ghlaodh an
gille rithe aon de thiodhlacan nan sithichean a thilgeil
ann. Rinn i sin, agus ghrad-sprèadh e le fuaim cho
cruaidh ri urchair gunna, agus chuir e am preas 'na
lasair theine. An sin thilg i air falbh na bha aice, aon
an deidh aoin ; agus mar thachair do'n cheud aon,
thachair do'n chòrr. " A nis," ars an gille, " na'n do
glèidh thu na rudan ud gus an deachaidh thu dhachaidh,