Matheson Collection > Folk tales and fairy lore in Gaelic and English

86 FOLK TALES AND FAIRY LORE.
màireach a ghabhail foise, ach 'na dheidh sin gabhaidh
gach aon againn a rathad fein, agus am fear a bheir
dhachaidh an tuilleadh creiche fad tri oidhchean, bithidh
e 'na cheannard air each, agus cha bhi ni aige r'a
dheanamh, ach coram a ghabhail de'n tigh, am feadh
'bhios a chompanaich air falbh." Chord so gu math
ri lain, agus dh' fhuirich e aig an tigh gus an d'thàinig
ceud la na deuchainne.
An sin dh' fhalbh e agus ghabh e mar rinn gach aon
de'n bhuidheann, a rathad fein. An uair a thàinig an
oidhche, phill e dhachaidh leis a' phocan chopair, a
dh' fhalaich e làimh ris an tràigh, agus cha robh aig
aon de 'n chuideachd uibhir ris. Dh'fhalbh e 'n ath
latha, agus phill e 'san oidhche leis a' phocan airgid,
agus ma rinn e na b' fhearr na 'chompanaich a' cheud
la, rinn e seachd feabhas riu an la sin. Air an treas
la dh'fhalbh e air-son an uair mu dheireadh, agus thug
e dhachaidh am pocan òir. Dhòirt e na bh' ann air
an ùrlar, agus dh' fheòraich e an d' rinn aon air bith
aca na b' fhearr? Fhreagair iad uile nach d'rinn, agus
a chionn gu'n robh esan cho math ri 'ghealladh riu-san,
gu'm bitheadh iad-san cho math ri 'n gealladh ris-san,
agus rinn iad e 'na cheannard thairis orra uile.
Air an ath latha dh'fhalbh na robairean a shireadh
am fortain, ach dh 'fhuirich Iain aig an tigh. Cho
luath 's a fhuair e leis fein, smuaintich e air an tigh
a rannsachadh. Thug e nuas pasg mòr iuchraichean,
a chunnaic e crochte air tarrainn anns a' bhalla, agus
dh'fhosgail e leò gach seòmar 'san tigh ach an aon.
Bha iuchair an aoin sin falaichte aig a' bhoireannach,
agus dhiiilt i an toiseach dealachadh rithe. Ach air do
Iain innseadh diii gu'm b' esan a nis an ceannard,
agus gu'm feumadh i bhi ùmhal da, thug i suas an
iuchair.
An sin dh'fhosgail e dorus an t-seòmair uaignich.