Matheson Collection > Folk tales and fairy lore in Gaelic and English

36 FOLK TALES AND FAIRY LORE.
Fhreagair an Taillear gu'n d'thugadh e dhoibh
dearbhadh 'bu laidire eadhon na sin le paidhir-
thriubhais 'fhuaigheal anns an eaglais eadar am dhol
a laidhe agus gairm-choileach air an oidhche sin fèin.
Ghabh iad c air 'fhacal; agus cho luath 's a thàinig
deicli uairean a dh' oidhche, chaidh e stigh do'n
eaglais, shiiidh e air lic-lighe a bha 'na laighe air
ceithir puist, agus an dèidh dha coinneal laiste a chur
làimh ris, thòisich e air 'obair chianail, fhadalaich.
Chaidh a' cheud uair seachad sàmhach gu leòir, am
feadh bha e 'fuaigheal, agus a' cumail suas a mhisnich
a' seinn agus a' feadlaich nam port 'bu shunndaiche a
b' urrainn e a chuimhneachadh. Chaidh an da uair
dheug mar an ceudna seachad, gidheadh cha'n fhaca *s
cha chual' e ni air bith a chuir an sgàth bu lugha air.
Ach uair-eigin an deidh sin chual' e fuaim a' teachd
o lic-lighe a bha eadar e 's an dorus; agus air dha
fiar-shijil a thoirt 'na rathad bha leis gu 'm fac' e 'n
talamh fuipe 'g eirigh 's a' tuiteam. Chuir an seall-
adh air tùs ioghnadh air, ach an ùine ghoirid
smuaintich e gu 'm b' e 'n ni a b' aobhar dha so solus
neo-shocrach na coinnle 's an dorchadas. Le sin, an
deidh dha crathadh a thoirt air a ghuailnibh,
thionndaidh e rithist r'a obair, agus chum e air
fuaigheal agus air seinn cho sunndach 's a bha e
riamh.
Goirid an deidh sin thubhairt guth fròmhaidh, a
thàinig a mach o'n chloich cheudna: " Sud a' chròg
mhòr liath, 's i gun bhiadh, a Thàilleir." Ach
fhreagair an Taillear: "Chi mi sin, agus fuaighidh
mi so"; agus thòisich e air seinn agus air fuaigheal,
mar bha e roimhe.
An ceann tacain eile thubhairt an guth fròmhaidh
ceudna le fuaim na b'àirde. " Sud an ceann mor,
liath, is e gun bhiadh, a Thailleir." Ach fhreagair
an Taillear a rithist: "Chi mi sin, agus fuaighidh mi