Blair Collection > Eachdraidh Ioseiph, mhic Iacoib

138 EACHDRAIDH I08EIPH.
dhlùthaich iad ri muinntir Abrahaim, thug iad
sgrios air na h-Asirianaich, agus thuit na mìl-
tean diubh sa chasgradh. Dh'iarr iadsan a
theich as a champ tèaruinteachd o luas an cas,
agus lean iad iad gu Damascus ; lean Abraham
an ruaig co duineil, 's gu'n d'thug e o na
creachadairean gach priosanach, agus gach ni
a thug iad as na bailtibh a chreach iad; agus
lèir-sgrios iad na ceithir creachadairean. Bha
mi daonnan am barail, a deir an righ, gu'n
d-thainig loseph o dhaoinibh foghainteach ; agus
tha do chunntas-sa mu Abraham 'ga dhearbh-
adh. Sholair do theaghlachsa, mo dheadh char-
aid aosda, fear-teasraiginn do'n Eiphit ann am
pearsa loseiph, agus cha chòir dhuinn a chomain
a dhìoladh air dhòigh a's lugha, no 'n aire
thoirt do theàghlach 'athar rè àm na gainne.
Imich, a dhuine chòir, gabh còmhnuidh san tìr,
's a chuid is taitniche leat di. Agus a loseiph,
cuimhnich gur i toil do righ, gu'n dean thu
uidheamachadh freagarrach do theaghlach t-
athar, agus g'un òrduich thu ionad còmhnuidh
dhoibh a rèir am miann.
Bha cruas na gorta aithnichte anns gach earr-
ann de'n tìr, agus cha robh 'bheag de lòn ri
fhaotainn ach na gheibhte a tighe-taisg loseiph,
leis an d'fhàs ionmhas an righ ro shaibhir.
Chruinnich e'n toiseach gach airgiod a bha san
Eiphit an iomlaid sìl ; 's an uair a theirig
airgiod, ghabh e'n sprèidh 'na ionad ; 's an uair
a fhuair an righ an sprèidh uile, thug iad an
tràillean agus an ciomaich an iomlaid lòin. An
sin reic gach duine 'fhearann saor chum biadh