Blair Collection > Aig tigh na beinne

U5
" Na 'n laidheadh coigreach taobh an tobair so fad oidhche,
thigeadh mi-dhealbh air a chorp an aon àite no àit' eile 'n a
chois, ged nach deanadh e coire do mhuinntir an eilein."
Tha uamh eadar Inbhirnis agus Abhoch a dh' ionnsuidh
am biodh cuid a' dol 's an linn so fhèin air son slànuchaidh.
'S e leigheas air son nam bodhar, no trioblaid air bith mu 'n
chluais, a tha ri fhaotainn ann. Tha sìor bhoinnealaich uisge
tighinn às a' chreig am mullach na h-uaimh so. Fo'n bhoinne
a's èifeachdaiche, tha clach air an ùrlar, de dhath dorcha dearg.
Tha e air a ràdh gu 'n deachaidh màthair ann, aon uair, le a
leanabh, a rugadh bodhar. 'S coltach gu 'm b' i a' cheud neach
a chaidh riamh ann air son leighis. Chum i ceann an leinibh
air dhòigh 's gu 'n tuiteadh am boinne 'n a chhiais. Mar bu
nàdurra, an uair a thuit am boinne fuar an cluais an leinibh
thug e sgreuch às, agus dh' oibrich e le a làmhan 's a chasan.
" Sgàin ! " ghlaodh a mhàthair gu mi-fhoighidneach. Thàiuig
an droch ghuidhe gu crìch am prioba, agus dhath fuil an
leinibh a' chlach.
Bha e air a chreidsinn aig aon àm gu 'n robh daoine slthe
fuireach 's an uaimh agus a' toirt leò na feudail a rachadh air
son fasgaidh do 'n uaimh. Chaidh balachan agus caileag a
stigh nach fhacadh tuilleadh. Mar sin tha 'n uaimh air a
dìinadh suas, a chum 's nach tig sgiorradh air duine no
ainmhidh 'n a dhèigh so.
Thogadh e tuilleadh 's a chòir de i^iine agus de àite na 'n
rachainn thairis air gach eisimpleir a dh' fhaodainn a thoirt
seachad. Ach tha aon a fhuair mi o bhean mheasail a rugadh
agus a thogadh dlùth do Chill-Fhinn. Bha i air tighinn gu
inbhe nighinn òig an uair a b' àbhaist di 'n sealladh so
fhaicinn, bliadhna 'n dèigh bliadhna.
Aig a' Mhuileann-mhòr, 'an Cill-Fhinn, tha uisge tobar
Fhaolainn a' tuiteam mar eas beag anns an Dochairt. Bha
craobh mhòr leamhain a' tilgeadh a geugan farsuing thairis air
an easan gus an do bhuain an doinionn i, dà bhhadhna 'n
dèigh do 'n doinionn uamhasaich sin a mhill Drochaid Tatha.