Books and other items printed in Gaelic from 1841 to 1870 > Caismeachd do dh'Albainn

fhuaireadh a mach i ; ach cha'n 'eil dollaidh ; oir
an taobh a stigh do dhà fhichead uair 's a h-ochd,
bithidh mise an taobh thàll do bhuairidhibh an
diabhoil; agus cha chuir 'innealan-san an ifrinn
no airthalamh trioblaid orm ni's mò." Mu'n cuaht
do thrì uairean a thìm an deigh dha tighinn do'n
tigh, thainig an tòir, agus 'nuair nach d'fhuair iad e
's an uamh, rànnsuich iad an sabhal agus an tigh,
ach cha d'eirmis iad air an àit an robh esan 'n a luidìie.
Agus an taobh a stigh do dhà fhichead uair 's a h-ochd
an deigh sin, chrìochnaich e 'thurus, an 28 là do'n
cheud mhios 1686, agus thàinig e gu bhi na fhear-
àitichidh air an tìr sin, far am bheil iadsan a ta sgith
aig fois, air dha a bhi os ceann 60 bliadhna dh'aois.
Chaidh àdhlacadh ann an cruisle Tighearn
Àchadh-na-lichd, ach, an deigh dha a bhi dà
fhichead là anns an uaigh, thàinig buidhean do
shaighdearan each agus thog iad a chorp, agus thug
iad leo e da mhìle, gu bun croich Chumnoc, far am
bheil e air àdhlacadh maille ri tuille do na mairtirich.
Mar so dh'èug Alastair Peden, a tha co iom-
raideach air son a dhiadhachd, 'èud agus a dhìs-
leachd, ach gu h-àraid air son a bhuanachadh do-
sgithichte ann an dleasnas na h-ùrnuigh, agus a
thug barrachd air na h-uile ffiu'n cualas iomradh
anns na h-amannaibh deireannach so, ann an gibht
an roimh sheallaidh gu bhi 'g innse nithe bha
gu tachairt, araon do dh' Eaglais agus do rìoghach-
dan na h-Alba agus na h-Eirinn, agus mar a ceudna
do phearsachaibh agus do theaghlaichibh. Thubh-
airt duine àraid bho chionn ghoirid, 'nuair a bha e
a' labhairt 'n a sgrìobhaidhìbh mu Mr Peden, gu'n
robh fhios gu'n thachair mòran do na nithibh a
roimh-innis e cheana, agus ged a tha muinntir mhì-
naomh, amaideach agus aingidh, a re'ir cleachdadh na
ginealaich eu-creidmheich so a' deanamh sgeig agus
magadh air na nithibh so ; gidheadh, feumaidh sinn a
chodhùnadh le Spiorad Dè, gu'n robh, gu'm bheil,
agus gu'mbì rùn an Tighearn aig an dream d'an eagal e.