Hew Morrison Collection > Original songs and poems in English and Gaelic

SONGS AND POEMS.
FPISTI.E TO THE AUTHOR.
Gin ye wad only mird to bung
4 Snaw ba's at him, or cry he's dung,
He'll gar you had your ill-scrap'd tongue,
Wf wyllie wordies,
Or ablins lay his Highland rung
Athwart your hurdies.
For, Alister, ye hae nae nief,
To write, an' sing, an' trill, an' whiff, —
To baulk these churls ye hae a brief
'Gainst their black art,
A Noble Freend you hae in fief,
To tak your part.
A Huntly, great in conscious worth,
Adds lustre to exalted birth,
Bids merit soar aboon the earth,
On wing sublime ;
And e'en Moy's Butler ushers forth,
In wit to chime.
O ! had 1 sic a Patron, Sir,
I would defy each critic cur,
Nor ae day langer would demur,
But print ootright :
Whate'er in cranium might occur,
Should come to light.