Blair Collection > Eachdraidh Ioseiph, mhic Iacoib

132 EACHDRAIDH lOSElPH.
talamh a bhos; seadh, le laimh chumhachdaich
sìnte mach saoraidh mi do shliochd. Air do
shon feÌD, gheibh thu bàs ann an deadh shean
aois ann an tìr choigrich ; agus do mhac a chaidh
'f hògradh uait druididh e do shùilean aig àm do
bhàis. G-abh, uime sin, ri cuire loseiph agus
theirig sios do'n Eiphit, le làn mhuinghinn à
làthaireachd agus tearmunn Dia t-aithriche. Le so
a ràdh, dh'fhalbh an taisbean. Dh'eirich lacob sa
mhadainn, agus dh'f halbh e le 'mhic, le nigheana,
agus le'n cloinn bhig, an sprèidh agus a mhaoin
uile a bh' ac' ann an tìr Chanaain, agus ghabh
iad an turus do 'n Eiphit. Thug an sealladh a
chunnaic lacob mòr mhisneach dha, agus dh'imich
e gu sùnndach air a thurus, gus an robh e mu
leth na slighe, 'nuair a chuir e ludah agus Naph-
tali air thoiseach air a dh'innse do loseph gu'n
robh 'athair a' teachd : agus cho luath 'sa chual'
e sin, thug e leis àireamh mhòr de sheirbhisich
fhoghluimte ùmhail g'a choinneachadh, agus
chum an còmhnadh air an t-slighe. Choinnich
iad a chèile aig baile Heropolis, far an robh
loseph aithnichte mar fhear-teasraiginn na h-
Eiphit. Bha 'n t-athair agus am mac 'gan neart-
achadh fa chomhair na coinneamh. G-idheadh
a dh'-aindeoin na b' urra dhoibh a dheanamh cha
robh nan comas nàdur a chumail fodha. Thainig
loseph gu h-ùmhal iriosal 'an co'dhail 'athar, thuit
6 aig a chasaibh, chum a bheannachd 'aslachadh ;
ach leis an othail a bh' air cha robh e 'n comas
da facal a ràdh ; bha lacob toileach air a mhac
a thogail, ach, air d'a aiteas a bhi co mòr, 's ann
a thuit e sios r'a thaobh 'sa cheann air ceann
a mhic, agus bha iad air so rè tamuill gun