Download files
Complete book:
Individual page:
Thumbnail gallery: Grid view | List view
THE END O’T
There’s a fine braw thistle that lifts its croon
By the river-bank whaur the ashes stand,
An’ the swirl o’ water comes whisp’rin’ doon
Past birk an’ bramble an’ grazin’ land.
But simmer’s flittit an’ time’s no heedin’
A feckless lass nor a pridefu’ flow’r ;
The dark to hide me’s the grace I’m needin’.
An’ the thistle’s seedin’,
An’ my day’s owre.
I redd * the hoose an’ I meat the hens
(Oh, it’s ill to wark when ye daurna tire ! ),
An’ what’ll I get when my mither kens
It’s niver a maiden that biggs her fire ?
I mind my pray’rs, but I’m feared to say them,
I hide my een, for they’re greetin’ fast;
What though I blind them—for wha wad hae them ?
The licht’s gaen frae them
An’ my day’s past.
Oh, wha taks tent for a fadin’ cheek ?
No him, I’se warrant, that gar’d it fade !
There’s little love for a lass to seek
When the coortin’s through an’ the price is paid.
Oh, aince forgotten’s forgotten fairly,
An’ heavy endit what’s licht begun,
But God forgie ye an’ keep ye, Chairlie,
For the nicht’s fa’en airly
An’ my day’s done !
* tidy
28
There’s a fine braw thistle that lifts its croon
By the river-bank whaur the ashes stand,
An’ the swirl o’ water comes whisp’rin’ doon
Past birk an’ bramble an’ grazin’ land.
But simmer’s flittit an’ time’s no heedin’
A feckless lass nor a pridefu’ flow’r ;
The dark to hide me’s the grace I’m needin’.
An’ the thistle’s seedin’,
An’ my day’s owre.
I redd * the hoose an’ I meat the hens
(Oh, it’s ill to wark when ye daurna tire ! ),
An’ what’ll I get when my mither kens
It’s niver a maiden that biggs her fire ?
I mind my pray’rs, but I’m feared to say them,
I hide my een, for they’re greetin’ fast;
What though I blind them—for wha wad hae them ?
The licht’s gaen frae them
An’ my day’s past.
Oh, wha taks tent for a fadin’ cheek ?
No him, I’se warrant, that gar’d it fade !
There’s little love for a lass to seek
When the coortin’s through an’ the price is paid.
Oh, aince forgotten’s forgotten fairly,
An’ heavy endit what’s licht begun,
But God forgie ye an’ keep ye, Chairlie,
For the nicht’s fa’en airly
An’ my day’s done !
* tidy
28
Set display mode to: Universal Viewer | Mirador | Large image | Transcription
Images and transcriptions on this page, including medium image downloads, may be used under the Creative Commons Attribution 4.0 International Licence unless otherwise stated.
Works by selected Scottish authors > Violet Jacob > Scottish poems of Violet Jacob > (32) |
---|
Permanent URL | https://digital.nls.uk/129134161 |
---|
Shelfmark | X.171.h |
---|---|
Additional NLS resources: | |
Attribution and copyright: |
|
More information |
Description | A selection of classic out-of-copyright Scottish poetry, prose and children’s stories from the late 19th and early 20th centuries. |
---|---|
More information |