Inglis Collection of printed music > Printed music > Composite music volumes containing different issues of Thomson's octavo collection of the songs of Burns and Sir Walter Scott > Volumes 3-4 > Select melodies of Scotland, interspersed with those of Ireland and Wales

WOO'D AND MARRIED AND A'.
THE SONG WRITTEN FOR THIS WORK IN 1822,
B Y JOANNA BAILLIE.
X he bride she is winsome and bonnie,
Pier hair it is snooded sae sleek,
And faithful and kind is her Johnie,
Yet fast fa' the tears on her cheek.
New pearlings are cause o' her sorrow,
New pearlings, and plenishing too ;
The bride that has a' to borrow,
Has e'en right meikle ado.
Woo'd and married and a',
Woo'd and married and a',
And is na she very weel aif
To be woo'd and married and a' ?
Her mother then hastily spak ;
" The lassie is glaiket wi' pride,
" In my pouches I had na a plack
" The day that I was a bride.
" E'en tak' to your wheel and be clever,
" And draw out your thread in the sun ;
" The gear that is gifted, it never
" Will last like the gear that is won.
" Woo'd and married and a',
" Tocher and havings sae sma',
" I think ye are very weel aff
" To be woo'd and married and a'."
" Toot, toot," quo' the grey-headed father,
" She's less of a bride than a bairn ;
" She's ta'en like a cowt frae the heather,
" Wi' sense and discretion to learn.
" Half husband, I trow, and half daddy,
" As humour inconstantly leans,
" A chiel maun be patient and steady
" That yokes wi' a mate in her teens.
" Kerchief to cover sae neat,
" Locks the wind used to blaw !
" I'm baith like to laugh and to greet,
" When I think o' her married at a'."
Then out spak' the wily bridegroom,
Weel waled were his wordies, I ween :
" I'm rich, though my coffer be toom,
" Wi' the blinks o' your bonny blue een ;
" I'm prouder o' thee by my side,
" Though thy ruffles or ribbons be few,
" Than if Kate o' the craft were my bride,
" Wi' purfles and pearlings enew.
" Dear and dearest of ony,
" Ye're woo'd and booket and a',
" And do ye think scorn o' your Johnie,
" And grieve to be married at a' ?"
She turn'd, and she blush'd, and she smiled,
And she looket sae bashfully down ;
The pride o' her heart was beguiled,
And she play'd wi' the sleeve o' her gown ;
She twirled the tag o' her lace,
And she nippet her boddice sae blue ;
Syne blinket sae sweet in his face,
And aff like a mawkin she flew.
Woo'd and married and a',
Married and carried awa' ;
She thinks hersel' very weel aff
To be woo'd and married and a'.
VOL. III.