Inglis Collection of printed music > Printed music > Composite music volumes containing different issues of Thomson's octavo collection of the songs of Burns and Sir Walter Scott > Volumes 1-2 > Select melodies of Scotland, interspersed with those of Ireland and Wales

FOR A' THAT AND A' THAT.
WRITTEN FOR THIS WORK
BY BURNS.
Is there for honest poverty
That hangs his head and a' that ?
The coward slave we pass him by,
We dare be poor for a' that I
For a' that, and a' that,
Our toils obscure, and a' that ;
The rank is but the guinea's stamp,
The man's the gowd for a' that. For a that, &;u.
What though on hamely fare we dine,
Wear hoddin grey, and a' that,
Gie fools their silks, and knaves their wine,
A man's a man for a' that !
For a' that, and a' that,
Their tinsel show, and a' that,
The honest man, though e'er sae poor,
Is king o' men, for a' that. For a that, fyc.
Ye see yon birkie ca'd a lord,
Wha struts and stares, and a' that ;
Though hundreds worship at his word,
He's but a coof for a' that :
For a' that, and a' that,
His riband, star, and a' that,
The man of independent mind,
He ldoks and laughs at a' that. For a' that, Sfc.
A prince can make a belted knight,
A marquis, duke, and a' that,
But an honest man's aboon his might,
Gude faith he maunna fa' that I
For a' that, and a' that,
Their dignities and a' that ;
The pith of sense and pride of worth,
Are higher rank than a' that. For a' that, Sfc.
Then let us pray, that come it may,
As come it will for a' that,
That sense and worth, o'er a' the earth,
May bear the gree, and a' that I
For a' that, and a' that,
It's coming yet for a' that,
That man to man, the warld o'er,
Shall brothers be for a' that. For a' that, fyc.