Inglis Collection of printed music > Printed music > Songs of Scotland prior to Burns

THE COCK-LAIRD. 157
Gin I gae alang wi' thee,
Ye mamma fail
To feast me wi' caddels
And guid hackit kail.
What needs a' this vanity,
Jennie ? quo' he ;
Is na bannocks and dribly-beards 1
Guid meat for thee ?
Gin I gang alang wi' you,
I maun hae a silk hood,
A kirtle-sark, wyliecoat,
And a silk snood,
To tie up my hair in
A cockernonie.
Hout awa', thou 'se gane wud, I trow,
Jennie ! quo' he.
Gin ye 'd hae me look bonnie,
And shine like the moon,
I maun hae katlets and patlets,
And cam'rel-heel'd shoon ;
Wi' craig-claiths and lug-babs, 2
And rings twa or three.
Hout, the deil 's in your vanity,
Jennie ! quo' he.
And I maim hae pinners,
With pearlins set roun',
A skirt o' the paudy, 3
And a waistcoat o' brown.
Awa' wi' sic vanities,
Jennie, quo' he,
For curches and kirtles
Are fitter for thee.
1 Cabbage, which beslabber the beard.
2 Cloths for the throat, and rings for the ears.
3 Probably paduasoy.