Inglis Collection of printed music > Printed music > Songs of Scotland prior to Burns

148 SONGS OF SCOTLAND.
Fy let us a' to the bridal,
For there '11 be liltin' there ;
For Jock 's to be married to Maggie,
The lass wi' the gowden hair.
And there '11 be lang-kale and pottage,
And bannocks o' barley-meal ;
And there '11 be good saut herrin',
To relish a cogue o' guid yill.
Fy let us a', &c.
And there '11 be Sandie the souter,
And Will wi' the mickle mou' ;
And there '11 be Tarn the plouter,
And Andrew the tinkler, I trow.
And there '11 be bow-leggit Robbie,
Wi' thoomless Katie's guidman ;
And there '11 be blue-cheekit Dallie,
And Lawrie, the laird o' the land.
And there '11 be sow-libber Patie,
And plookie-faced Wat o' the mill ;
Capper-nosed Gibbie, and Francie,
That wins in the howe o' the hill.
And there '11 be Alaster Dougal,
That splae-fitted Bessie did woo,
And sniffling Lillie and Tibbie,
And Kirstie, that belly-god sow !
And there '11 be Geordie M'Lowrie,
And blinkin' daft Barbara and Meg,
And there '11 be blencht Gillie-Wimple,
And pewter-faced Seeching Joug.
And there '11 be happer-hipped Nancie
And fairy-faced Jeanie by name,
Gleed Katie and fat-luggit Leesie
The lass wi' the gowden [kame].