Glen Collection of printed music > Printed music > Jacobite relics of Scotland > [First series]

70 QUEEN ANNE.
He hired a farrier stout,
Frae out the west countrye,
A crafty selfish loon,
That lo'ed the white moneye :
That lo'ed the white moneye,
The white but and the red ;
And he has ta'en an aith
That he wad do the deed.
And he brought a' his smiths,
I wat he paid them weel,
And they hae seiz'd the yaud.
And tied her head and heel.
The tow'd her to a bauk,
On pulleys gart her swing,
Until the good auld yaud
Could nouther funk nor fling.
Ane rippit her wi' a spur,
Ane daudit her wi^ a flail,
Ane proddit her in the lisk,
Anither aneath the tail.
The auld wise man he leugh,
And wow but he was fain !
And bade them prod enough,
And skelp her owre again.
The mare was hard bested,
And graned and rousted sair ;
And aye her tail play'd whisk,
When she dought do nae mair.
And aye they bor'd her ribs,
And ga'e her the tither switch
" We'll learn ye to be douce,
" Ye auld wansonsy b h."
The mare right piteous stood,
And bore it patiently ;
She deem'd it a' for good.
Some good she couldna see.