Glen Collection of printed music > Printed text > Songs of Scotland prior to Burns

424 SONGS OF SCOTLAND.
Is this a time to think o' wark,
When Colin 's at the door 1
Rax down my cloak — I '11 to the quay,
And see him come ashore.
For there 's nae luck about the house,
There 's nae luck at a',
There 's nae luck about the house,
When our guidman 's awa'.
Rise up and make a clean fireside,
Put on the mickle pat ;
Gie little Kate her cotton goun,
And Jock his Sunday's coat.
And mak their shoon as black as slaes,
Their stockins white as snaw ;
It 's a' to pleasure our guidman —
He likes to see them braw.
There are twa hens into the crib,
Ha'e fed this month and mair,
Mak haste and thraw their necks about,
That Colin weil may fare.
My turkey slippers I '11 put on,
My stockins pearl-blue —
It 's a' to pleasure our guidman,
For he 's baith leal and true.
Sae sweet his voice, sae smooth his tongue
His breath 's like cauler air ;
His very fit has music in 't,
As he comes up the stair.
And will I see Ms face again ?
And will I hear him speak ?
I 'm downricht dizzy wi' the thoucht :
In troth I 'in like to greet.