Glen Collection of printed music > Printed text > Songs of Scotland prior to Burns

224 SONGS OF SCOTLAND.
O, Tullochgorinn 's my delight ;
It gars us a' in ane unite ;
And ony sumph 1 that keeps up spite,
In conscience I abhor him.
Blithe and merry we 's be a',
Blithe and merry, blithe and merry,
Blithe and merry we 's be a',
And mak a cheerfu' quorum.
Blithe and merry we 's be a',
As lang as we hae breath to draw,
And dance, till we be like to fa',
There need na be sae great a phraise,
Wi' dringing dull Italian lays ;
I wadna gie our ain strathspeys
For half a hundred score o' 'em.
They 're douff and dowie 2 at the best,
Douff and dowie, douff and dowie,
They 're douff and dowie at the best,
Wi' a' their variorums.
They 're douff and dowie at the best,
Their allegros, and a' the rest,
They canna please a Highland taste,
Compared wi' Tullochgorum.
Let warldly minds themselves oppress
Wi' fear of want, and double cess,
And sullen sots themselves distress
Wi' keeping up decorum.
Shall we sae sour and sulky sit,
Sour and sulky, sour and sulky,
Shall we sae sour and sulky sit,
Like auld Philosophorums ?
1 Fool. 2 Stupid and doleful.