Glen Collection of printed music > Printed text > Harp of Renfrewshire

Anither may praise thee, may fondle and fraise thee ;
And win thee wi' words, when his heart's far awa' ;
But oh, when sincerest, when warmest, and dearest.
His vows — will my truth be forgot by thee a' ?
'Midst pleasure and splendour thy fancy may wander.
But moments o' solitude ilk ane maun dree ;
Then feeling will find thee, and mem'ry remind thee,
O' him wlia tlu-ough life gaes heart-broken for thee.
CXXXII.
OUR AIN GUDE TOWN.
leeze me now on our ain gude Town !
I wat there's few like our ain gude Town ;
On the crown o' the land, may be mony mair grand—
But there's nae ane sae dear as our ain gude Town.
There's lads fu' rare in our ain gude Town,
And lasses fu' fair in our ain gude Town ;
The light o' their e'e is a fountain o' glee.
And it flows to the heart in our ain gude Town.
leeze me now, &c.
O dearly we loe thee, our ain gude Town,
And meikle we owe thee, our ain gude Town ;
The friendship, the love, we were fated to prove.
Were happiest aye in our ain gude Town.
leeze me now, dx.