Glen Collection of printed music > Printed text > Harp of Renfrewshire

337
How aft, when e'ening's sunshine fell
Upon the distant braes,
We wandered here, our love to tell,
In the lang, lang simmer days !
I see a face, I hear a voice
By every spreading tree ;
Oh, Jamie ! little thoiTght we ance
Your bed would be the sea.
I aften daunner out alane.
By bonnie winding Clyde,
Whar we hae sat, whar ye hae said
I soon would be your bride ;
And dreaming o' your kind embrace,
Wi' a' ye promised me.
But soon, I mind— heart-rending thought-
Ye're in the deep, deep sea.
And oh ! to see your mither's wae
Wad break a heart o' stane ;
She greets and prays the lee-lang day—
They say her mind is gane.
While gazing on the water deep,
If strangers catch her e'e,
Her tale is aye, " I'd but ae son ;
He perished far at sea."
My Jamie, dear, returning spring,
Wi' a' its flowers sae fair
That gars young bosoms dance wi' joy.
Can gladden us nae mair.
The scented breeze, the birdies' sang,
Are naething noo to me.
For a' my heart, and a' my hopes
Are wi' ye in the sea !