Glen Collection of printed music > Printed text > Harp of Renfrewshire

44
JOCKEY'S AWA'.— A SONG.
re nymphs of the woods, and ye njmiphs of the grov<
Ye may sing to the late telling echo your loves ;
Nae mair shall your sangs be delightful to me,
Nor your dances be pleasant, sin' Jockey's at sea.
Wi' sorrow we partit, he leapt from the shore.
And I fear he is gone for to meet me no more,
As far as my een cou'd conduct me I saw,
But the Zephyrs sune waftit my Jockey awa'.
He came just yestreen, for to tell me the news,
He was bound for the sea, an' he durst na refuse ;
The message I heard, wi' the tear i' my e'e,
For I coud na pit up wi' my Jockey at sea.
As my dearest, my sailor, was telling me this,
Sae kind, on my lips, he imprinted a kiss ;
An' the wordies sae sweet that my laddie let fa',
I'll never forget them while Jockey's awa'.
My laddie aft woo'd me upo' yon green plain.
He kiss'd me, an' swore he wad make me his ain ;
Nae lass o' them a' he could fancy but me.
But now I'm my lane an' my Jockey's at sea.
My Jockey was lovely, an' likit me lang,
An' nane was sae sweet, when he taukit or sang ;
The swains they agreed, that my laddie was bra',
An' nae wonder I mourn that my Jockey's awa'.
Y''e lasses forgie me, nor blame me to mourn ;
I'll never be gay till my laddie return ;
What lassie wad laugh that has troubles like me.
An' wha wad na mourn, when their lover's at sea ?
Fareweel, ye saft meadows, ye groves, and ye bowers,
Whar aft wi' my love, I've collected the flowers ;
Y'e cowslips, ungathert, yer blossoms may blaw,
An' die, unadmir'd, sin' my Jockey's awa'.