Glen Collection of printed music > Printed text > Illustrated book of Scottish songs from the sixteenth to the nineteenth century

CONVIVIAL SONGS. 249
Had siller been made in the kist to lock by,
It ne'er wad been rund, but square as a die ;
Whereas by its shape ilka body may see,
It aye was design'd it should circulate free ;
Then we'll toddle but an' we'll toddle ben,
An' aye when w^e get it, we'll part wi't again.
I ance was persuaded to "put in the pin,"
But foul fa' the bit o't ava wad bide in ;
For whisky's a thing sae bewitchingly stout,
The first time I smelt it, the pin it lap out ;
Then I toddled but an' I toddled ben,
And I vow'd I wad ne'er be advised sae again.
Oh, leeze me on whisky ! it gi'es us new life,
It maks us aye cadgy to cuddle the wife ;
It kindles a spark in the breast o' the cauld,
And it maks the rank coward courageously bauld ;
Then we'll toddle but an' we'll toddle ben,
An' we'll coup aff our glasses, " Here's to you again !"
-^0:^%^^^^^^ —