Glen Collection of printed music > Printed text > Illustrated book of Scottish songs from the sixteenth to the nineteenth century

104 SONGS or THE APFECTIONS.
The snaw-drap and primrose our woodlands adorn,
And violets bathe in the weet o' the morn ;
They pain my sad bosom, sae sweetly they blaw ;
They mind me o' ISTannie — and Nannie's awa.
Thou laverock that springs frae the dews of the lawn,
The shepherd to warn of the grey-breaking dawn ;
And thou mellow mavis that hails the night-fa',
Give over for pity — my Nannie's awa.
Come, Autumn, sae pensive in yellow and grey,
And soothe me wi' tidings o' nature's decay;
The dark dreary winter and wild driving snaw
Alane can delight me — my Nannie's awa.
WANDERING WILLIE,
Burns. Air — " V^andering Willie."
Here awa, there awa, wandering Willie,
Now tired with wandering, haud awa hame ;
Come to my bosom, my ae only dearie.
And tell me thou bringst me my Yf illie the same.
Loud blew the cauld winter winds at our parting ;
It was nae the blast brought the tear in my ee ;
Now welcome the simmer, and welcome my Willie —
The simmer to nature, my Willie to me.
Ye hurricanes, rest in the caves o' your slumbers ;
Oh, how your wild horrors a lover alar
ms
Awaken, ye breezes, row gently, ye billows,
And waft my dear laddie ance mair to my arms.
But if he's forgotten his faithfullest Nannie,
Oh, still flow between us, thou wide roaring main
May I never see it, may I never trow it ;
But dying believe that my Willie's my ain !
As altered by Mr. Erskine and Mr. Thomson.
Here awa, there awa, wandering Willie,
Here awa, there awa, haud awa hame ;
Come to my bosom, my ain only dearie,
Tell me thou bringst me my Willie the same.