Skip to main content

‹‹‹ prev (41) Page 25Page 25I'll never leave thee

(43) next ››› Page 27Page 27Bessie Bell and Mary Gray

(42) Page 26 - Lochaber
My Nelly, let never sic fancies oppress ye ;
For while my blood's warm I'll kindly caress ye :
Your saft blooming beauties first kindled love's fire,
Your virtue and wit mak' it aye flame the higher.
Leave thee, leave thee ! I'll never leave thee.
Gang the warld as it will, dearest, believe me !
Then, Johnny, I frankly this minute allow ye
To think me your mistress, for love gars me trow ye ;
And gin ye prove false, to yoursel' be it said then,
Ye win but sma' honour to wi-ang a puir maiden.
Reave me, reave me, oh, it would reave me
Of my rest night and day, if you deceive me !
Bid ice-shogles hammer red gauds on the studdy,
And fair summer mornings nae mair appear ruddy ;
Bid Britons think ae gate, and when they obey thee,
But never till that time, believe I'll betray thee.
Leave thee, leave thee ! I'll never leave thee ;
The starns shall gae withershins ere I deceive thee.
Allan Eamsay.
Farewell to Lochaber, farewell to my Jean,
Where heartsome wi' her I ha'e mony a day been ;
To Lochaber no more, to Lochaber no more.
We'll maybe return to Lochaber no more !
These tears that I shed, they're a' for my dear,
And no for the dangers attending on weir ;
Though borne on rough seas to a far bloody shore.
Maybe to return to Lochaber no more !
Though hurricanes rise, though rise every wind,
No tempest can equal the storm in my mind ;
Though loudest of thunders on louder waves roar,
That's naething like leavin' my love on the shore.

Images and transcriptions on this page, including medium image downloads, may be used under the Creative Commons Attribution 4.0 International Licence unless otherwise stated. Creative Commons Attribution 4.0 International Licence