Glen Collection of printed music > Printed text > Illustrated book of Scottish songs from the sixteenth to the nineteenth century

SONGS OP THE AfFECTIONS.
The day it was set and the bridal to be ;
The wife took a dwam and lay doun to dee ;
She main'd and she grain'd out o' dolour and pain,
Till he Yow'd he never wad see me again.
His kin was for ane of a high degree,
Said, What had he to do wi' the like o' me ?
Albeit I was bonnie, I was na for Johnnie j
And were na my heart licht, I wad dee.
They said I had neither cow nor calf.
Nor dribbles o' drink rins through the draff,
Nor pickles o' meal rins through the mill-ee ;
And were na my heart licht, I wad dee.
His titty she was baith wylie an' slee.
She spied me as I cam ower the lea ;
An' then she ran in an' made a loud din ;
Believe your ain ee, an' ye trow na me.
His bonnet stood aye fou round on his brow.
His auld ane look'd aye as well as some's new ;
But now he lets't wear ony gate it will hing,
And casts himself dowie upon the corn-bing.
And now he gaes daundrin' about the dykes,
And a' he dow do is to hund the tykes ;
The live-lang nicht he ne'er steeks his ee ;
And were na my heart licht, I wad dee.
Were I young for thee, as I hae been,
We should ha' been gallopin' down on yon green.
And linkin' it on yon lily-white lea ;
And wow 1 gin I were but young for thee !