Glen Collection of printed music > Printed text > Scottish songs > Volume 1

222
She has gotten a coof wi' a claut o' siller,
And broken the heart o' the bailey miller.
The miller was strappin', the miller was ruddy ;
A heart like a lord, and a hue like a lady :
The laird was a wuddiefu' bleerit knurl ;
She's left the guid fallow, and ta'en the churl.
The miller he hecht her a heart leal and loving :
The laird did address her wi' matter mair moving ;
A fine pacing-horse wi' a clear-chain'd bridle,
A whip by her side, and a bonny side-sa<idle.
O wae on the siller, it's sae prevailing ;
And wae on the love that's fix'd on a mailin' !
A tocher's nae word in a true lover's parle.
But, Gie me my love, and a fig for the warl I
THE WHIGS O' FIFK
Tune— TAe Whigs o' Fife.
O WAE to a' the Whigs o' Fife,
The brosy tykes, the lousy tykes,
O wae to a' the Whigs o' Fife,
That e'er they cam frae hell !
There's gentle John, and Jock the slorp.
And skellied Jock, and bellied Jock,
And curly Jock, and burly Jock,
And lying Jock himsell.
Deil claw the traitors wi' a flail.
That took the middens for their bail.
And kiss'd the cow ahint the tail.
That keaved at kings themsell.