Glen Collection of printed music > Printed music > Lyric gems of Scotland

189
Saft kisses on her lips I laid,
The blush upon her cheek soon spread,
She whisper'd modestly and said,
I'll gang wi' you to Gowrie.
The auld folk soon gied their consent,
And to Mess John we quickly went,
Wha tied us to our hearts' content,
And now she's Lady Gowrie.
Won 1 s by Burns.
4-
A MAN'S A MAN FOR A' THAT.
Is there for ho - nest po - ver - ty That hangs his head, and a' that? The
For a* that, and a' that , Our toils ob-scure, and a' that ; The
rank is but the gui - nea's stamp, The man's the gowd for a' that
What though on hamely fare we dine,
"Wear hoddin grey, and a' that ;
Gie fools their silks, and knaves their wine,
A man's a man for a' that :
For a' that, and a' that,
Their tinsel show, and a' that ;
The honest man, though e'er sae poor,
Is king o' men for a' that.
Ye see yon birkie, ca'd a lord,
Wha struts, and stares, and a' that :
Though hundreds worship at his word,
He's but a coof for a' that :
For a' that, and a' that ;
His riband, star, and a' that,
The man of independent mind
He looks and laughs at a' that.
A prince can mak' a belted knight,
A marquis, duke, and a' that ;
But an honest man's aboon his might,
Guid faith ! he maunna fa' that !
For a' that, and a' that,
Their dignities, and a' that ;
The pith o' sense, and pride o' worth,
Are higher ranks than a' that.
Then let us pray that come it may,
As come it will, for a' that,
That sense and worth, o'er a' the earth,
May bear the gree, and a' that :
For a' that, and a' that,
It's coming yet, for a' that,
That man to man, the warl' o'er,
Shall brithers be for a' that.