Glen Collection of printed music > Printed text > Caledonian songster

86
The Lamm?/.
To its own Tune.
Whare hae ye been a' the day, my boy Tammy?
Whare hae ye been a' the day, my boy Tammy ?
I've been by burn an' flow'ry brae,
Meadow green, an' mountain grey,
Courting o' this young thing, just come frae her
mammy.
An' whare gat ye that young thing, my boy Tammy ?
I gat her down on yonder howe,
Smiling on a broomy knowe,
Herding a wee lamb an' ewe, for her poor mammy.
What said ye to the bonny bairn, my boy Tammy ?
I prais'd her e'en sae bonny blue,
Her dimpled cheek an' cherry mou :
I prie'd it aft, as ye may trow She said, she'd
tell her mammy.
I held her to my beating heart : " my young but
" smiling lammie !
" I hae a house, it cost me dear,
" I've walth o' plenishing an' gear ;
" Ye'se get it a' war't ten times mair, gin ye will
leave your mammy."