Glen Collection of printed music > Printed text > Whistle-Binkie, or, The piper of the party

124
vost cam' hame ' a, leetle elevated,' that's her prudent expression, 'worthy
■woman that she is ; so dinna forget, Mrs. Paterson, but just say, -whan
ye speak about me and the town's affairs, that ' the Bailie cam' hame
a leetle elevated.' But -what d'ye think -we're gaun to be about the morn ?
Ha, ha, lass, -we're to be great folks the morn — the mom's the Lord's
day, ye ken, Mrs. Paterson, and me and the magistrates are gaun to
hae a grand paraad to the kirk, and -we're to hae the town-officers afore
us, wi" their hats aff and their halberts in their han's ; ay, woman,
they're to be a' afore us, guid-be-thanket ! they're to be afore us, I've
been sair eneugh fashed i' my day wi' them gaun after me. Mony a
time the buffers took me afore the Bailie ; but praise be blessed ! I've
got them afore the Bailie now ; time about's fair play, ye ken, Mrs.
Paterson. Now, Mrs. Paterson, there's just ae favour I want o' you
the night ; Mrs. Paterson, and ye maunna deny me ; you needna
laugh, Mrs. Paterson, I'm a wee new-fangled about my cocket hat ; ye
ken, I had a lang and a sair strussel to get it ; now, I acknowledge I'm
a leetle elevated the night, as the Provost's wife says, and I canna think
to part wi't woman ; now, what I want o' you, Mrs. Paterson, is just
to let — let — let me sleep wi' my cocket hat on the night — I just want to
lie in state for ae nicht; and ye ken, Mrs. "Paterson, you would be so
agreeably astonished when ye waukened in the morning, and fonnd
yoursel ljing beside a Bailie, a real Bailie, woman! wi' his three-oor-
nered night-cap and a' his paraphernalia on. Now, Mrs. Paterson,
you'll oblige me the night, like a dear, and I'll tell you the morn about
a town's job that I'm to get that'll do me muckle good and you little
ill. Thou's get the best silk gown to be had within the four quarters o'
this or ony ither town in Scotland. What d'ye think o' that, Mrs.
Paterson ?"
There's mony a job about a town
To gar a Bailie's pat play brown,
But on ae job I'll keep my thumb,
Ye'll hear't some ither day.
So, Mistress Peter Paterson,
Mistress Peter Paterson,
So, Mistress Peter Paterson,
I'm no sae vera fu\ Carrick.