Glen Collection of printed music > Printed text > Jacobite minstrelsy

340 JACOBITE
The lady look'd o'er her window,
And O but she sigh'd sairly,
When she espied the great Argyle,
Come to plunder the bonny house o' Airly !
" Come down, come down now, Lady Ogilvie,
Come down and kiss me fairly."
" No, I winna kiss thee, fause Argyle,
Tho' ye sudna leave a stannin' stane o' Airly."
He took her by the middle sae sma,'
" Lady, where is your dowry ?"
" It's up and down by the bonny burn side,
Amang the plantings o' Airly."
They sought it up, they sought it down,
They sought it late and early,
And they fand it under the bonny palm tree
That stands i' the bowling green o' Airly.
" A favour I ask of thee, Argyle,
If ye will grant it fairly ;
O dinna turn me wi my face
To see the destruction o' Airly."
He has ta'en her by the shouther-blade,
And thrust her down afore him,
Syne set her on a bonny green bank, [Airly.
Till he plunder'd and burn'd the house o'
" Haste, bring to me a cup o' gude wine,
As red as ony cherry :
I'll tak the cup and sip it up ;
Here's a health to bonny Prince Charlie !
O I hae born me eleven braw sons,
The youngest ne'er saw his daddie ;
And If I had to bear them again,
They a' should gang awa wi' Charlie.