Glen Collection of printed music > Printed text > Pocket songster, or, Caledonian warbler

284 T«E POCKET SONGSTER
I wrote a letter, and thus began :
" Madam, be not offended,
I'm o'er the lugs in love wi' you.
And carena though ye kend it.
For I get little frae the laird,
And far less frae my daddy ;
Yet I wad blythely be the man
Wad strive to please my lady."
She read my letter, and she leugh :
" Ye needna been sae blate man ;
Ye might hae come to me yoursel',
And tauld me a' your state, man ;
Ye might hae come to me yoursel',
Outwittens o' ony body,
And made John Goukstone o' the laird.
And kiss'd his bonny lady."
Then she pat siller in my purse,
We drank wine in a coggie ;
She fee'd a man to rub my horse,
And wow but I was voggie !
But I ne'er gat sae sair a fleg
Since I came frae my daddy ;
The laird came, rap, rap ! to the yctt.
When I was wi' his lady !
Then she pat me behint a chair,
And happ'd me wi' a plaidy :
But I was like to swarf wi' feai ,
And wish'd me wi' my daddv.