Glen Collection of printed music > Printed text > Pocket songster, or, Caledonian warbler

OR, CALEDONIAN WARBLER.
The hoary cliffs are crown'd wi' flowers,
White o'er the linn the burnie pours.
An', rising, weets, wi' misty showers,
The Birks of Aberfeldy.
Bonnie lassie, &c.
Let Fortune's gifts at random flee,
They ne'er shall draw a wish fi-ae me,
Supremely blest, wi' love an' thee,
In the Birks of Aberfeldy.
Bonnie lassie, &c. Bi
WHISTLE AN' I'LL COME TO YOU.
O whistle an' I'll come to you, my lad,
O whistle an' I'll come to you, my lad ;
Though father an' mither an' a' should gae mad,
O whistle an' I'll come to you, my lad.
But warily tent, when ye come to court me.
An' comena unless the black-yett be a-jee ;
Syne up the back stile an' let naebody see,
An' come as ye werena comin' to me.
An' come, &c.
O whistle, Szc.
At kirk or at market whene'er ye meet me.
Gang by me as though that ye cared nae a flic ;
But steal me a blink o' your bonnie black ee,
Yet look as ye werena lookin' at me.
Yet look, &c.
O whistle, &c.