Glen Collection of printed music > Printed music > Poems and songs

52 THE WAITS.
O sweetest Minstrels ! weet your pipe,
A sad an' waefa' note to blaw ;
Syne souf the " Braes o' Yarrow gTeen,"
Or, " A' the Flowers are wed awa I"
For O they're sweet— as Memory sweet,
Whan on the happy past we feast ;
Saft as the deep an' melting sigh,
That aften steals frae Pity's breast.
O sweetest Minstrels ! weet your pipe,
A tender note o' love to blaw ;
Syne souf the " Broom o' Cowdenknowes,'
Or " Roslin Castle's ruined wa'."
They bring to mind the happy hours
Fu' aft I've spent wi' Jenny dear.
Ah ! now ye touch the very note
That gars me sigh, an' drap a tear.
Your fremit lilts I downa bide.
They never yield a charm for me ;