Glen Collection of printed music > Printed text > Scottish ballads

296
She hadna weel gane up the stair,
And entered in her touir,
When fonr-and-twenty beltit knichts
Came riding to the bouir.
" Weel may you sit and see, ladye !
Weel may you sit and see !
Did you not see a bluidy squire
Come riding ower the lea ?"
" What colour were his hawks ?" she said,
" What colour were his hounds ?
What colour was the gallant steed,
That bore him frae the bounds ?"
" O bluidy, bluidy were his hawks,
And bluidy were his hounds ;
But milk-white was the gallant steed,
That bore him frae the bounds."
" Yes, bluidy, bluidy were his hawks,
And bluidy were his hounds ;
And milk-white was the gallant steed,
That bore him frae the bounds.
Licht doun, licht doun, now, gentlemen,
And tak some breid and wine :
The better you shall him pursue,
When you shall lightly dine."
" We thank you for your bread, ladye.
We thank you for your wine ;
I wad gae thrice three thousand pounds,
That I could ca' thee mine."
" Lie still, lie still, my dear Johnston,
Lie still and tak a sleep ;