Glen Collection of printed music > Printed text > Scottish ballads

288
For I'm her brother, Childe Ether,
That loves her tenderlie.
But gin that be Lady Maisry,
Let her tak purse in hand,
And gang to yonder castle- wa',
They ca' it Gorinand ;
Spier for the lord of that castle,
Gie him dollars thirty-three ;
Tell him to ransom Childe Ether,
That loves you tenderlie.
She's done her up to that castle,
Paid doun her gude monie ;
And sae she's ransomed Childe Ether,
And brocht him hame her wi'.*
PROUD LADY MARGARET.
'TwAS on a nicht, an evening bricht,
When the dew began to fa',
Lady Margaret was walking up and doun,
Looking ower the castle wa'.
She lookit east, she lookit west,
To see what she could spy.
When a gallant knicht cam in her sicht,
And to the gate drew nigh.
" You seem to be no gentleman.
You wear your boots so wide ;
* From Buchan's «* Ancient Ballads and Songs of the North of Scot-
land," 1828.