Glen Collection of printed music > Printed text > Scottish ballads

When he cam, he surrounded the house
No tidings there cam before him ;
Or else the lady would have been gone ;
For still she did abhor him.
" O will ye gae wi' me ?" he says ;
" O will ye be my honey ?
will ye be my wedded wife ?
For I loe ye best of ony."
<' I winna gae wi' you/' she says ;
" I winna be your honey ;
1 winna be your wedded wife ;
Ye loe me for my money."
Wi' mournful cries and watery eyes,
Fast handing by her mother ;
Wi' mournful cries and watery eyes,
They were parted frae each other.
He gied her nae time to be dress'd,
As ladies do when they're brides ;
But he hastened and hurried her awa.
And rowed her in his plaids.
He mounted her upon a horse,
Himsell lap on behind her ;
And they're awa to the Hieland hills,
Where her friends may never find her.
As they gaed ower the Hieland hills.
The lady aften fainted ;
Saying, " Wae be to my cursed gowd,
This road to me invented !"