Glen Collection of printed music > Printed text > Scottish ballads

116
When Willie came to broken brig,
He bent his bow and swam ;
And when he cam to grass growing,
He set down his feet and ran.
And when he cam to Bernard's ha',
He would neither chap nor ca',
But bent his bow to his white breast,
And lichtly lap the wa'.
He would not tell the man his errand,
Though he stude at the gate,
But straight into the ha' he cam,
W here they were set at meat.
" Good hallow, gentle sir and dame ;
My errand canna wait :
Dame, ye maun gae speak to Gil Morrice,
Before that it be late*
Ye see, ye see, this gay manteil ;
It's a' gowd but the hem :
Ye maun gae to the gude green wood.
Even by yoursell alane.
■^ e see, ye see, this silken sark ;
Your ain hand sew'd the sleeve :
Ye maun gae speak to Gil Morrice,
Speir nae bauld baron's leave."
Oh, ay she stampit wi' her fit.
And winkit wi' her ee ;
But for a' that she could say or do.
Forbidden he wadna be.
" It's surely to my bouir- woman ;
It canna be to me."