Glen Collection of printed music > Printed text > Scottish ballads

<•
And I brought a half-fou * o' gude red gowd
Out ower the sea wi' me.
Make haste, make haste, my merry-men a',
Our gude ship sails the morn."
^' Now ever alake, my master dear^
I fear a deidly storm I
I saw the new mune late yestreen,
Wi' the auld mune in her arm ;
And I fear, and I fear, my dear master,
That we will come to harm."
" Betide me weel, betide me wae,
This day I'll leave the shore ;
For I will spend my white money
'Mong Norroway dogs no more."
Sir Patrick he is on the sea,
And far out ower the faem,
Wi' five-and-fifty Scots lords' sons,
That longed to be at hame.
Upstartit the mermaid by the ship,
Wi' a glass and a kame in her hand ;
Says, " Reek about, my merry-men ;
Ye are nae far frae land."
*' Ye lie, ye he, my bonnie mermaid,
Sae loud as I hear ye lie ;
For, sin' I hae seen your face this nicht,
The land I will never see !"
They had na sail'd a league, a league,
A league, but barely three,
When the lift grew dark, and the wind blew loud,
And gurly grew the sea.
* A half-peck.