Glen Collection of printed music > Printed text > Collection of ancient and modern Scottish ballads, tales, and songs > Volume 2

1.5
Some kindle, couthie, side by side.
An' burn thegither trimly ;
Some start awa wi' saucy pride.
An jump out-owre the chimlie
Fu' high that night.
Jean slips in twa wi' tentie e'e ;
Wha 'twaS;, she wadna tell ;
''But this is Jock, an' this is me,"
She says in to hersel :
He bleez'd owre her, an' she owre him,
As they wad never mair part.
Till fufF] he started up the lum.
An' Jean had e'en a sair heart -
To see't that night.
Poor Willie, wi' his bow-kail runt.
Was brunt wi' primsie Mallie ;
An' Mallie, nae doubt, took the drunt, t
To be compar'd to Willie :
Mall's nit lap out wi' pridefu' fling.
An' her ain fit it brunt it ;
While Willie lap, an' swoor by jing,
'Twas just the way he wanted
To be that night.
Nell had the fause-house in her min'.
She pits hersel, an' Rob in ;
In loving bleeze they sweetly join.
Till white in ase t they're sobbin :
Nell's heart was dancin at the view ;
She whisper'd Rob to leuk for't :
Rob, stowlins, prie'd her bonnie mou,
Fu' cozie in the neuk for't.
Unseen that night.
* Pet. + Ashes',