Glen Collection of printed music > Printed music > Caledonian musical repository

5Q
HER ANSWER,
O tell na me o' wind and rain,
Upbraid na me wi' cauld disdain >
Gae back the gate you cam again,
I winna let you in, jo.
I tell you now this ae night,
This ae, ae, ae night ;
And ance for a', this ae night,
I winna let you in, jo,
The snellest blast, at mirkest hours,
That round the pathless wand'rer pours,
Is nought to what poor she endures,
That's trusted faithless man, jo. s
I tell you now, Stc.
The sweetest flow'r that decked the mead*
Now trodden like the vilest weed :
Let simple maids the lesson read,
The weird may be their ain, jo.
I tell you now, Sec
The bird that charm'd his summer day,.
Is now the cruel fowler's prey ;
Let witless trusting woman say
How aft her fate's the same, jo.
I tell you now, &.c,