Glen Collection of printed music > Printed music > Lays of Strathearn

I see some pickles o’ gude strae,
An’ wheat, some fule has thrown away;
For a rainy day they should be boukit,
Sae down they flew frae aff their dookit.
The snaw will come an’ cour the grund,
Nae grains o’ wheat will then be fund;
They pickt a’ up, an’ a’ were boukit,
Then round an’ round, again they luiket.
0 lang he thocht, an’ lang he luiket,
An’ aye his wise-like head he shook it;
1 see, I see, what ne’er should be,
I see what’s seen by mair than me.
Wae’s me, there’s thochtless, lang Tam Grey,
Aye spending what he’s no to pay;
In wedlock, to a taupie, hookit.
He’s taen a doo, but has nae dookit .
When we were young it was na sae ;
Nae rumulgumshion folk now hae;
What gude for them can e’er be luiket.
When folk tak doos that hae nae dookit.