Glen Collection of printed music > Printed music > Lays of Strathearn

Down by the dyke-side a lady did dwell,
At his table head he thought she’d look well,
M? Clish's ae daughter o’ Claverse-ha’ Lee,
A pennyless lass wi’ a lang pedigree.
His wig was weel pouther'd, and as guid as new;
His waistcoat was white, his coat it was blue;
He put on a ring, a sword and cock’t hat,
And wha could refuse the laird wi’ a’ that.
He took the grey mare, and rade cannily,
An’ rapt at the yett o’ Claverse-ha’ Lee;
“Gae tell mistress Jean to come speedily ben,
She’s wanted to speak to the laird o’ Cockpen’.’
Mistress Jean was makin’ the elder-flower wine,
“An’ what brings the laird at sic a like timef’’
She put aff her aprin, and on her silk gown,
Her mutch wi’ red ribbons, and gaed awa down.
An’ when she cam’ ben he bowed fu’ low,
An’ what was his errand he soon let her know;
Amazed was the laird when the lady said Na,
And wi’ a laigh curtsie she turned awa.
Dumfounder’d he was, nae sigh did he gie.
Hr mounted his mere he rade cannily,
And aften he thought, as he gaed thro’ the glen,
She’s daft to refuse the laird o’ Cockpen.