Deveron days

THE AUCHT-DAY CLOCK
WE’VE flitted, lad, we’ve flitted,
We’ve left the auld close mou’;
We’re tryin’ to be gentry,
Wi’ oor gilt an’ ormolu.
The hoose is fu’ o’ bravities,
An’ a’ new-fangled trock,
But I’d swap them a’ the morn
For my guid auld aucht-day clock.
I mind on’t in the hoose at hame,
My granny’s but-an’-ben;
Her owre-croon mutch aside it sat,
Her specs an’ sneeshan pen;
An* throu’ the wee gell winnock aye
Fu’ bonnie morn in’ broke,
As I binnered back the bed door
To see what ’twas o’clock.
The aumry wi’ the cheena cups,
A’ spreckled reid an’ blue,
The soord that Uncle Willie took
Bleed-red fae Waterloo—
35