Series 5 > Campbell Letters 1559-1583

102
CLAN CAMPBELL LETTERS
hes ane writing upoun the samin.And gif your Lordship pleissis at uther
hedis with the adwyiss of fireindis that your Lordship thinkis mair for my
weill and mak the samin knawin to me I am content to byid thairat. Now
sen I have submittit my self to your Lordship and freindis the dishonour
of it will evir stand upoun your Lordshipis houss and your Lordshipis
freindis albeit that I have gottin the skaytht without that ane manifest
mendis be maid to me. In gud faytht war nocht the the [sic] confidence
that I have onlie of your Lordship under God for all the geir that evir I
had or hes I wald nocht submit me to freindis in thir causses war nocht
that I am out of dout that your Lordship will have evir to my honour as to
your Lordshipis awin.
And quhair your Lordship writis certain heides quharthrow your
Lordship thinkis that the Clangregor suld be acceptit be your Lordship
and me for certaine caussis presendy in the realime.1 And quhair your
Lordship writis for the first artikle that MacGregor and sa mony as wsis
his consall of his kin and dependaris on and sa mony as he will put in bill
to offer him and thaim in your Lordshipis will and myin thair lyvis being
saif hawand thair heritaigis and rowmis. As to that my ansuer is that I wald
wit quhow mony is \and quhat thai ar/ that he wald gif in bill to that
effect that I mecht be skaythtless of thaim in tymes cuming. Secondlie
quhair your Lordship writis that I wald be contentit to byid at the seycht
of your Lordship and freindis toward MacGregoris interess and mariage.
As to that your Lordship knawis that I agreit \for his interes and mariage/
be ane obligatioun maid be your Lordshipis adwyiss and Colyne Campbell
of Ardkinglass and John MacAlestar MacNachtain for the sowm of sex
hundrethe merkis2 lyk as the obligatioun beiris the samin quhair of I will
stand content. And albeit in the said obligatioun that it is specifeit that the
tua MacGillechelleis was promesit to me I well exonar3 MacGregor of
that point of the obligatioun be ressoun that thai ar the Erll of Athoillis
servandis.4 And as to MacGregoris kyndlie rowmis I can nocht mak your
Lordship ansuer of that be ressoun that the Clangregor allegis that mekle
of the rowmis that I have suld be thairis bot quhowsoun that your Lordship
advertesis me in MacGregoris name of the rowmis thai desyir I sail send
your Lordship ansuer. Quair your Lordship biddis me be ane gud maistir
to thaim thair is na thing that I will promess to thaim befoir your Lordship
and freindis bot the thing I sail keip. And quhair your Lordship desyris me
to send ane assurance as to that I send thaim nevir ane nochtwithstanding
1 These were replies to the points contained in the separate Memo attached to 41:
MacGregor, ‘MacGregors’, 350-1.
2 Agreement made on 24 Nov. 1562, GDI 12/1/122-3; 125: MacGregor,‘MacGregors’,
309-10.
3 Free from an obligation.
4 For the symbolic importance of the surrender of the two MacGille Cheallaichs:
MacGregor,‘MacGregors’, 306-7,350-1.