Series 6 > Perth Kirk Session books, 1577-1590

THE PERTH KIRK SESSION BOOKS: 1589
433
quhereon the civil contract was maid betwix the said Jhon Gallic and him
was not performit as was contractit and Isobel Blakwod his dochter future
spouse to the said Jhon was not infeft in his landes according to contract
and promes quhilk was done only upon Wednesday last and quha schone the
same was done there mariage is [to be] performit. The quhilkes ressons being
considderit and tryit, he being removit, ar found ressonabill, yit na thing to
hurt the order and act of the kirk. Quhairfoir the minister and elders with
consideration mair of the first caus than the second dispensis with the rigor
and ordanis not the loss of ony actis past of befoir that he pay fyve poyndis
allenerly to Mr George Ruthven collector of the puirs almes to be gevin to
the puir. (Robert Blakwod/ was ane stop and hinde[r]/ Banessit)
[33v] Quhilk day comperis Girsell Bisset as scho was warnit and being
inquyrit quhow mony bairnes scho haid borne to Mr Andrew Abercromby
in adultare confest that scho haid borne thrie men children the first callit
Alexander, the second Thomas, presently with hir and interteneit be hir at
the hie schoil in this town, the youngest Robert presendy with him self in
Dunkelden, and there interteneit be him at the schoil, quhilk barnes war
baptist as scho confest be ane preist callit Sr Jhon Salmond in the kirk of
Kepat, for the quhilkes offenses of adulterie committit in begetting the
saides bairnes with Mr Andrew Abercromby spouse to Agnes Crichton Lady
Balindane scho has not maid hir repentance and never obeyit the voice of
the kirk. Quhairfor the minister and elders ordanis hir to bring ane testi¬
monial surely quhair the bairnes war baptist fra Mr William Glass minister
at Dunkelden, bering lykwayis hir repentance and satisfaction for the same
or els to remove of the town that scho be not farder sklanderous to this
congregation.78 (Girssel Bisset)
Decimo Septimo Novembris 1589
Forasmekill as the masteres of hospital exponit and schew that thai was
symmonit be the minister ofTibbermuir to Edinburgh to heir and sie the
contract past betwix the said minister and them in name of assembly and
kirk to be registrat, quhilk being hard and considdert be the elders present,
it was ordanit that the saides masteres of hospital Andrew Donaldson and
James Adamson mak defensis herein and quhat ever expensis thai war in
defence of the samyn79 the same to be allowit to them in their nixt comptis.
(Masteres hospital)
is unfortunately cryptic. Nothing elsewhere in the session book or in any other town
documents of this period indicates the nature of the hazard and peril in which Blakwod
found himself.
See 2 Feb. 1590.
79 These would include the cost of travel and of the securing and writing of legal documents.