Series 6 > Perth Kirk Session books, 1577-1590

430
THE PERTH KIRK SESSION BOOKS: 1589
Comperis William Clerk and Margreit Wilson and desyris their bannes to
be proclamit. Caution for the man William Anderson, for the woman Finlay
Wilson.
Ordanis the masteres of hospital to gif in ther comptis on Mononday nixt
of the twa yeiris last bypast.
Quhilk day Alestair Menzeis efter dyverse wairningis afoir us comperit at
the last and being accusit gif ever he haid ony carnal deal with Eufame Tully
denyit and being inquyrit of his conscience as said constandy contenuit
[32r] in denyell of the same quha voluntarly promisit gif ever heireftir he sail
be found in company or suretie with the said Eufame heireftir, that the kirk
may tak ony suspicion of him of the same, or gif he be found heireftir be his
company with hir to gif ony sklander to the kirk, he sail satisfie according as
the kirk sail injone unto him. Quhairfoir the kirk, that is minister and elders,
ordains gif ever he be found heireftir to hant hir company it salbe haldin
and reput pro ipso facto and as a fornicator he sail satisffie, to the quhilk he
him self willingly agreit.
Forasmekill as Jean Thorneton is ane excommunicat and suld not be halden
in the companye of gud cristians that servis god mekill less to be interteneit
in bed and burd within ony honest godly mans house to the greit sklander
of god his word, kirk, and this congregation, it is ordanit that all the bailyeis
- Robert Anderson, Oliver Young, Henrie Banevis, and Andrew Mersser,
Adam Anderson and Constantine Malice twa of the elders pass to Thomas
Monepenny presently and intimat to him the kirkis will that is to say that
he separat and put out of his house the said Jeane Thorneton under the
pane of excommunication and the saidis bailyeis and elders to report their
diligence on Mononday nixt and na utheris to ressave hir under the pane
of excommunication.
Vigesimo octavo Octobris 1589
Quhilk day the minister and elders ordanis the bailyeis incontinent to pass
and poynd George Sympson and Andrew Rynd the deakyns of the kirk for
not collecting the puirs almes on Sonday last according as thai war warnit
thereto as Jhon Jak kirk officiar recordit, throw quhais necgligance the puir
was hurt and deffandit, quhilk was done presendy be the bailyeis, their
poyndis producit in face of the essemblie and their selffis that is George
Sympson and Andrew Rynd comperit and severally gaif in their causis
quhairfoir the samyn was not done. George Sympson answerit quhy he did
not the same was becaus he thocht utheris suld not bene pretermittit65 and
65 Excused from the duty.