Series 6 > Perth Kirk Session books, 1577-1590

388
THE PERTH KIRK SESSION BOOKS: 1588
foir to be deposit fra the said office for ever. And seing thai not willing to
reject (William Kynloch porter)
[15r] him alludie6 hot houping he sail keip better order in tymes cuming
nottheless of the actis past of befoir in his contrar, suspendis their rigor at
this present in houp of amendment and ordanis him in tymes cuming nather
to ressave ony leidis on the saboth day within the port nor procure for ony
at the bailyeis handis for the inlatting of thame. And incaice he be found to
contraven the samyn in tymes cuming to be deposit fra his office for ever.
Quarto Marcii 1588
Comperis Jhon Miller of the parochin of Forgundenny and Marion
Marschell of this parochin and desyris their bandis to be proclamit. Caution
for the man Thomas Gibson, for the woman George Fleming.
Quhilk day James Brydie walker7 being oft tymes callit on of befoir us now
comperit as cautioner for Jhon Adam ane of the parochin of Kynoule for
the fulfilling of the band of matrimonie within fourty dayis according to
the act with Elspet Wilson ane of our parochin. And seing that the said Jhon
hes not done the same and the fault of the non-performance of the same
was in him allane never enquyring for the performance heirof sen the day
of the contract, convicts the said James Brydy in the penultie and ordanis
him to be wardit ay and quhill he satesfie the samyn. And seing that the said
Jhon posponis and deferris the tyme not willing to performe the band gevin
up be him with the said Elspet and seing lykwayis he hes dyverse tymes
abstractit geir and money fra the said Elspet under pretence of mariage and
so defraudes hir baith of the promeise maid and lykwayis of the geir, the
minister and elderis advysing ryplie and being weill avysit thocht it hard
that thir twa suld be mariit togidder incaice greit inconvenencis suld follow
thereon, them selffis to be brocht to povertie and have na thing for their
sustentation and sa maid abill8 to steal and reafe9 frome their nychtboures to
redound at last to their schame and infame, thai being baith present requyrit
of them quhidder thai wald performe their contract gevin up or not. Baith
Jhon and Elspet with on consent desyris thame to be fraid10 of [each] uther
sa that as god please thai may use them selffis in tymes cuming according
to their plesor alwayis being free of their promise so that thai may marye
quhom thai pleise. To the quhilk petition the minister and elders for the
causis foirsaid aggreit and therefoir did discharge their contract with their
6 Lightly, or perhaps altogether? The word is clearly written, but not in DOST.
1 Fuller.
8 Liable.
9 Raid, plunder.
10 Freed.