Series 6 > Perth Kirk Session books, 1577-1590

272
THE PERTH KIRK SESSION BOOKS: 1583
Quhilk day forsamekle as Thomas Wilson and Elspet Kilour had failyeit in
the former act, it was ordanit that Oliver Makison and Thomas Gall thair
cautionaris suld pay ilkane of thame ten £. Secundly that the said Thomas
and Elspet Kilour according to the former act mak thair repentance as
double fornicators. Thirdly that the said Thomas Wilson [and] Elspet Kilour
and thair cautionaris bring ane testimonial betuix this and Witsonday nixt
of the said Elspettis husband dead that sche may be mariit with the said
Thomas Wilson. And last that in caise the said Thomas and Elspet resort
togidder that they sail satisfie as thryse fallin in fornication. (Wilson and
Kilour).60
Quhilk day it was ordanit that Jhon Ronaldson officer suld half ane dayis
mait of tham that ar mariit ilk Sonday. (Officer)
27 Novembris 1583
Quhilk day compeirit Thomas Wilson and Janet Blythe and desyrit thair
bannis to be proclamit. Cation for him Jhon Lammerkyn, for hir Oliver Kar.
Terme the first of Januar. (Wilson)
Compeirit William Gardner and Helen Sutair and desyrit thair bannis to be
proclamit. Cation for him Patrik Anderson, for hir Patrik Lamb. Terme the
first of Januar. (xl s Gardner)
Compeirit Duncan Finlason and confest his fornication with Maropill Wyat
and thairfoir submittit him to the disciplein of the kirk, quha is ordanit
to pay xl s for dispensation of the crosheid, nixt that he abstene fra hir
companie in tym comming with certification that gif he failye he salbe
haldin as relaps in fornication. And in the meane tyme he to enter to his
repentance, (xl s Finlayson)
Ordanis James Sym to gif to Violet Geddare x s, to Janet Scroggis x s, to
Alison Chalmer v s and vi d oulkly, to James Stewart x s.
2 Decembris 1583
Absentes: Jhon Davidson eldar, Andro Mersser, Walter Eldar, and Andro
Donaldson
See 20 Aug. 1582. Kilour s previous husband had allegedly died in Flanders. She
gotten a death certificate and married Wilson by Lent 1583.